EVENTS

THE REPUBLIC OF THE UNION OF MYANMAR

MINISTRY OF HEALTH AND SPORTS

DEPARTMENT OF MEDICAL RESEARCH

News in Brief


June 2018 Events


သုတေသနပညာရပ်ဆိုင်ရာဟောပြောပွဲကျင်းပပြုလုပ်ခြင်း

၂၀၁၈ ခုနှစ် မေ ၃၀ ရက်နှင့် ဇွန် ၁ ရက်နေ့တို့တွင် ဆေးသုတေသနဦးစီးဌာန ဇီဝအဆိပ်ဗေဒ သုတေသန ဌာနခွဲမှ ဒုတိယညွှန်ကြားရေးမှူး/ဌာနခွဲမှူး ဒေါက်တာမို့မို့ဝင်းနှင့် Dr. David AB Dance, Senior Clinical Research Fellow/ Clinical Research Microbiologist, Centre for Tropical Medicine and Global Health, Nuffield Department of Medicine, University of Oxford တို့သည် ပညာရပ်ဆိုင်ရာအသိပညာ မြှင့်တင်ခြင်းအစီအစဉ်တစ်ရပ်အဖြစ် သုတေသန ပညာရပ်ဆိုင်ဟောပြောပွဲများကို သင်္ဃန်းကျွန်းစံပြ အထွေထွေ ရောဂါကုဆေးရုံကြီး၊ မြောက်ဥက္ကလာပ အထွေထွေရောဂါကုဆေးရုံကြီးနှင့် ရန်ကုန်အထွေထွေရောဂါကုဆေးရုံ ကြီးတို့တွင် ကျင်းပပြုလုပ်ခဲ့ပါသည်။ အဆိုပါဟောပြောပွဲများသို့ ဆေးသုတေသနဦးစီးဌာန ဇီဝအဆိပ်ဗေဒ သုတေသနဌာနခွဲမှ သုတေသနအရာရှိများ၊ Myanmar Oxford Clinical Research Unit မှ Director, Dr. Elizabeth Ashley နှင့် သက်ဆိုင်ရာဆေးရုံများမှ ပါမောက္ခများ၊ တာဝန်ခံဆရာဝန်ကြီးများ၊ ဘွဲ့လွန်ကျောင်း သား/သူများ တက်ရောက်ခဲ့ကြပါသည်။ ဟောပြောပွဲများတွင် Melioidosis ရောဂါ၏အရေးကြီးပုံနှင့် ယင်း ရောဂါကိုဖြစ်စေသည့် Burkholderia pseudomallei ဘက်တီးရီးယားပိုးကို လေ့လာဖော်ထုတ်ရန် အရေးကြီးကြောင်း တို့ကို လက်တွေ့ဆေးပညာရှင်များအား ဟောပြောရှင်းလင်းတင်ပြခဲ့ပါသည်။



 


နည်းပညာရပ်ဆိုင်ရာဟောပြောပွဲကျင်းပပြုလုပ်ခြင်း

၂၀၁၈ ခုနှစ် ဇွန် ၄ ရက် နံနက် ၁၀:၃၀ နာရီတွင် မြန်မာနိုင်ငံ Grand Max Co. Ltd. နှင့်မိတ်ဖက် ကုမ္ပဏီ ဖြစ်သော စင်္ကာပူနိုင်ငံ Nikon Microscope Co. Ltd. တို့ပူးပေါင်းစီစဉ်သည့် နည်းပညာရပ်ဆိုင်ရာ ဟောပြောပွဲကို ဆေးသုတေသနဦးစီးဌာန ဗဟိုဇီဝဆေးပညာစာကြည့်တိုက် အစည်းအဝေးခန်းမ(၁)၌ ကျင်းပပြု လုပ်ခဲ့ပါသည်။ ရှေးဦးစွာ စင်္ကာပူနိုင်ငံ Nikon Microscope Co. Ltd. မှ Ms. Tomoko, Tsuboi, Marketing Advisor, Strategy Marketing Department, Instruments Division ကကုမ္ပဏီ၏ နောက်ခံသမိုင်းကြောင်းနှင့် နည်းပညာပစ္စည်းများ ဖက်စပ်ဖြန့်ဖြူးတင်သွင်းလုပ်ကိုင်နေမှုတို့ကို ပြောကြားပြီး နောက် Dr. Clement Khaw, Manager, Biosystem Application Solution, Strategy Solution Department, Instruments Division က Confocal microscope and Live cell imaging” ခေါင်းစဉ်ဖြင့် ဓာတ်ခွဲခန်းနည်းပညာရပ်ဆိုင်ရာ စက်ကိရိယာများအကြောင်းကို ဟောပြောတင်ပြရာ တက်ရောက်လာကြ သူများက စိတ်ပါဝင်စားစွာဖြင့် သိလိုသည်များကို မေးမြန်း ဆွေးနွေးခဲ့ကြပါသည်။ အဆိုပါဟောပြောပွဲသို့ ဆေးသုတေသနဦးစီးဌာန ညွှန်ကြားရေးမှူးချုပ် ဒေါက်တာကျော်ဇင်သန့်နှင့် ညွှန်ကြားရေးမှူးများ၊ ဒုတိယ ညွှန်ကြားရေးမှူး/ဌာနခွဲမှူးများ၊ သုတေသီပညာရှင်များ (၅၀)ဦးခန့် တက်ရောက်ခဲ့ကြပါသည်။



သုတေသနနည်းပညာဘာသာရပ်(Research Methodology) သင်ကြားပို့ချနိုင်ရေးအတွက် ညှိနှိုင်းအစည်းအဝေးကျင်းပခြင်း

၂၀၁၈ ခုနှစ် ဇွန် ၇ ရက် နံနက် ၁၀:၃၀ နာရီတွင် အားကစားပညာအထူးပြုဘာသာရပ် B.Sc.(Sport) သင်တန်းတွင် တတိယနှစ်(Honours)တန်းနှင့် စတုတ္တနှစ်(Qualified)တန်းတို့မှ သင်တန်းသားများအား သုတေသန နည်းပညာဘာသာရပ် (Research Methodology) သင်ကြားပို့ချနိုင်ရေးအတွက် ပထမအကြိမ် ညှိနှိုင်းအစည်းအဝေးကို ဇီဝဆေးပညာသုတေသန အစည်းအဝေးခန်းမ၌ ကျင်းပပြုလုပ်ခဲ့ပါသည်။ အဆိုပါ အစည်းအဝေးသို့ ဆေးသုတေသန ဦးစီးဌာနမှ ဒုတိယညွှန်ကြားရေးမှူးချုပ်(သုတေသန) ဒေါက်တာခင်စောအေး နှင့် ညွှန်ကြားရေးမှူး များ၊ သက်ဆိုင်ရာသုတေသီပညာရှင်များ၊ ပညာရေးဝန်ကြီးဌာန၊ ပညာရေးစီမံခန့်ခွဲရေး ဌာနမှ ပါမောက္ခ(ငြိမ်း)ဦးရဲမြင့်၊ ကထိက(ငြိမ်း) ဦးအေးရှိန်၊ ကျန်းမာရေးနှင့်အားကစားဝန်ကြီးဌာန၊ အားကစား နှင့်ကာယပညာဦးစီးဌာနမှ ဒုတိယညွှန်ကြားရေးမှူး (ငြိမ်း/ကျွမ်းကျင်ပညာရှင်) (ယခုဒုတိယဝန်ကြီး၊ ကျန်းမာရေးနှင့်အားကစားဝန်ကြီးဌာန) ဒေါက်တာမြလေးစိန်၊ လက်ထောက်ညွှန်ကြားရေးမှူး (ငြိမ်း) ဦးရဲထွဋ်တင်၊ လက်ထောက်ညွှန်ကြားရေးမှူး ဒေါ်နွယ်နွယ်မြင့်တို့ ဦးဆောင်သော ပညာရှင်များတက်ရောက်ကြ၍ ဒဂုံ တက္ကသိုလ်နှင့် ရတနာပုံတက္ကသိုလ် အားကစားပညာ အထူးပြုဘာသာရပ် B.Sc. (Sport) သင်တန်းတွင် တက် ရောက်နေသော တတိယနှစ် (Honours)တန်းနှင့် စတုတ္တနှစ် (Qualified)တန်း တို့မှ ကျောင်းသား ကျောင်းသူများ အား Research Methodology သင်ကြားပို့ချ နိုင်ရေးအတွက် ဆွေးနွေးညှိနှိုင်းခဲ့ကြပြီး အစည်းအဝေးကို နေ့လည် ၁၂:၀၀ နာရီတွင်ရုပ်သိမ်းလိုက်ပါသည်။

အလားတူ ၂၀၁၈ ခုနှစ် ဇွန် ၂၆ ရက် မွန်းလွဲ ၁:၀၀ နာရီတွင် သုတေသနနည်းပညာဘာသာရပ် (Research Methodology) သင်ကြားပို့ချနိုင်ရေးအတွက် ဆေးသုတေသနဦးစီးဌာနမှ ပညာရှင်များ၏ အသေးစိတ်ညှိနှိုင်းအစည်းအဝေးကို ဇီဝဆေးပညာ သုတေသနအစည်းအဝေးခန်းမ၌ ကျင်းပပြုလုပ်ခဲ့ရာ ဒုတိယညွှန် ကြားရေးမှူးချုပ်(သုတေသန) ဒေါက်တာလှိုင်မြတ်သူတက်ရောက်၍ အမှာစကားပြောကြားပါသည်။ ထို့နောက် ညွှန်ကြားရေးမှူး(သုတေသန) ဒေါက်တာသိင်္ဂီသွင်က သင်တန်းစတင်မည့်ရက်၊ သင်တန်းကာလနှင့် အပတ်စဉ် အင်္ဂါနေ့နှင့် ဗုဒ္ဓဟူးနေ့တိုင်း မွန်းလွဲ ၁:၀၀ နာရီမှ ၄:၃၀ နာရီအထိ သင်ကြားမည်ဖြစ်ကြောင်း၊ သင်တန်းသားများ အား ဇူလိုင်လ ၁၇ ရက်နှင့် ၁၈ ရက်နေ့တို့တွင် ဆေးသုတေသနဦးစီးဌာန၌ ခေါ်ယူသင်ကြားပို့ချမည်ဖြစ်ကြောင်း ဆွေးနွေး တင်ပြပါသည်။ ဆက်လက်၍တက်ရောက်လာသူများက သင်တန်းအချိန်ဇယားနှင့် သင်တန်းပို့ချမည့် သူများ၏ အမည်စာရင်းကို အတည်ပြုကြပြီး အစည်းအဝေးကို မွန်းလွဲ ၂:၀၀ နာရီတွင် ရုပ်သိမ်းလိုက်ပါသည်။



 


နည်းပညာရပ်ဆိုင်ရာဟောပြောပွဲကျင်းပပြုလုပ်ခြင်း

၂၀၁၈ ခုနှစ် ဇွန် ၁၄ ရက် နံနက် ၁၀:၃၀ နာရီတွင် မြန်မာနိုင်ငံ Nanova Co. Ltd. နှင့် မိတ်ဖက် ကုမ္ပဏီဖြစ်သော မလေးရှားနိုင်ငံ Science Vision Sdn Bhd တို့ပူးပေါင်းစီစဉ်သည့် နည်းပညာရပ်ဆိုင်ရာ ဟောပြောပွဲကို ဆေးသုတေသနဦးစီးဌာန ဗဟိုဇီဝဆေးပညာစာကြည့်တိုက် အစည်းအဝေးခန်းမ(၁) ၌ ကျင်းပပြု လုပ်ခဲ့ပါသည်။ ရှေးဦးစွာ မလေးရှားနိုင်ငံ Science Vision Sdn Bhd မှ Assistant Manager, Ms. Mork Sook Chen (Illumina – Malaysian Branch) က Illumina ၏NGS Technology ကိုအသုံးပြုပြီး၊ HIV Genotyping, Parasitr, 16s Metagenomicsနှင့် 18s Metagenomics တို့ကိုလေ့လာခြင်းအကြောင်းကို “Illumina Technology Updates in Advancing Precision Medicine” ခေါင်းစဉ်ဖြင့် ဓာတ်ခွဲခန်း နည်းပညာရပ်ဆိုင်ရာ စက်ကိရိယာများအကြောင်းကို ဟောပြောတင်ပြရာ တက်ရောက် လာကြသူများက စိတ်ပါ ဝင်စားစွာဖြင့် သိလိုသည်များကို မေးမြန်းဆွေးနွေးခဲ့ကြပါသည်။ အဆိုပါ ဟောပြောပွဲသို့ ဆေးသုတေသနဦးစီး ဌာနမှ ညွှန်ကြားရေးမှူးများ၊ ဒုတိယညွှန်ကြားရေးမှူး/ ဌာနခွဲမှူးများ၊ သုတေသီပညာရှင်များ (၅၀)ဦးခန့်တက် ရောက်ခဲ့ကြပါသည်။


Linear Accelerator စက်နှင့်သက်ဆိုင်သည့် သုတေသနပြုလုပ်ရန်ညှိနှိုင်းအစည်းအဝေးကျင်းပခြင်း

၂၀၁၈ ခုနှစ် ဇွန် ၁၄ ရက် မွန်းလွဲ ၁:၀၀ နာရီတွင် Linear Accelerator စက်နှင့်သက်ဆိုင်သည့် သုတေသနပြုလုပ်ရန်အတွက် ညှိနှိုင်းအစည်းအဝေးကို ဆေးသုတေသန ဦးစီးဌာန ဇီဝဆေးပညာသုတေသန အစည်းအဝေးခန်းမ၌ ကျင်းပပြုလုပ်ခဲ့ပါသည်။ အဆိုပါ အစည်းအဝေးသို့ ဆေးသုတေသနဦးစီးဌာနမှ ဒုတိယ ညွှန်ကြားရေးမှူးချုပ်(သုတေသန)များ ဖြစ်ကြသော ဒေါက်တာလှိုင်မြတ်သူနှင့် ဒေါက်တာခင်စောအေး၊ ဒုတိယ ညွှန်ကြားရေးမှူးချုပ် (စီမံ/ဘဏ္ဍာ) ဒေါက်တာဇော်မြင့်၊ ညွှန်ကြားရေးမှူးများ၊ သက်ဆိုင်ရာသုတေသီများ၊ ရန်ကုန် ပြည်သူ့ဆေးရုံကြီး၊ ကင်ဆာရောဂါဓာတ်ရောင်ခြည်ဆေးကုပညာဌာနမှ ပါမောက္ခ/ဌာနမှူး ပါမောက္ခ ခင်ချိုဝင်းတို့ တက်ရောက်ကြ၍ Linear Accelerator စက်နှင့်သက်ဆိုင်သည့် သုတေသန ပြုလုပ်ရန်အတွက် ဆွေးနွေးညှိနှိုင်းခဲ့ကြပါသည်။


ဆေးသုတေသနဦးစီးဌာန (၅၅)နှစ်မြောက် နှစ်ပတ်လည်နေ့အခမ်းအနားကျင်းပခြင်း

၂၀၁၈ ခုနှစ် ဇွန် ၁၉ ရက် မွန်းလွဲ ၁:၀၀ နာရီတွင် ဆေးသုတေသနဦးစီးဌာန (၅၅)နှစ်မြောက်နှစ်ပတ်လည် နေ့ အခမ်းအနားကို ဆေးသုတေသနဦးစီးဌာန ဗဟိုဇီဝဆေးပညာ စာကြည့်တိုက် အစည်းအဝေးခန်းမ(၁)၌ ကျင်း ပရာ ဆေးသုတေသနဦးစီးဌာန ခေတ္တညွှန်ကြားရေးမှူးချုပ် ပါမောက္ခဒေါက်တာဇော်ဝေစိုးက သဘာပတိအဖြစ် ဆောင်ရွက်၍ ဂုဏ်ပြုအမှာစကား ပြောကြားပါသည်။ အဆိုပါအခမ်းအနားသို့ ညွှန်ကြားရေးမှူးချုပ် ဒေါက်တာကျော်ဇင်သန့်နှင့် ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူး/ ဌာနခွဲမှူးများ၊ သုတေသနမှူးများနှင့် အငြိမ်းစား ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များ၊ ဖိတ်ကြားထားသော ၂၀၁၇-၂၀၁၈ ခုနှစ်အတွင်း အငြိမ်းစားယူသွားသည့် အရာထမ်း၊ အမှုထမ်းများ၊ ၂၀၁၇ ခုနှစ်အတွင်း ပြည်တွင်းပြည်ပတွင်ကျင်းပခဲ့သော သုတေသနညီလာခံများနှင့် (၄၆)ကြိမ်မြောက်မြန်မာနိုင်ငံ ကျန်းမာရေးဆိုင်ရာသုတေသနညီလာခံတွင် ဆုရရှိခဲ့ကြသူများ၊ Myanmar Health Sciences Research Journal နှစ်(၃၀)ပြည့် အထိမ်းအမှတ် အမှတ်တရစာအုပ်ထုတ်ဝေရာ တွင် ပံ့ပိုးကူညီပါဝင်ဆောင်ရွက်ခဲ့ကြသူ များ၊ ၂၀၁၇ ခုနှစ် ပြည်သူ့ဝန်ထမ်းကောင်းတံဆိပ်၊ ပြည်သူ့ဝန်ထမ်းတံဆိပ်နှင့် ငြိမ်ဝပ်ပိပြားရေးနှင့်တရားဥပဒေ စိုးမိုးရေးတံဆိပ်ရရှိကြသည့် ဆေးသုတေသနဦးစီးဌာန(ရုံးချုပ်)မှ ဝန်ထမ်းများ၊ ၂၀၁၇-၁၈ ပညာသင်နှစ် တက္ကသိုလ်ဝင်တန်း စာမေးပွဲကို အောင်မြင်ခဲ့သော ဆေးသုတေသနဦးစီးဌာန (ရုံးချုပ်)မှ ဝန်ထမ်းသားသမီးများ၊ ၂၀၁၈-၁၉ ပညာသင်နှစ်အတွက် ပညာသင်စရိတ်ထောက်ပံ့ကြေး လက်ခံရယူမည့် ဝန်ထမ်းမိဘများနှင့် ကျောင်းသားကျောင်းသူများ စုံညီစွာတက်ရောက်ခဲ့ကြပါသည်။

ရှေးဦးစွာ (၁-၆-၂၀၁၇) မှ (၃၀-၆-၂၀၁၈) တစ်နှစ်တာကာလအတွင်း အသက် (၆၀) နှစ်ပြည့်သည်အထိ တာဝန်ကျေပွန်စွာ ထမ်းဆောင်ခဲ့ပြီး အငြိမ်းစားယူသွားသည့် အရာထမ်း(၆)ဦးနှင့် အမှုထမ်း(၃)ဦးတို့အား ဆေးသုတေသနဦးစီးဌာန ခေတ္တညွှန်ကြားရေးမှူးချုပ် ပါမောက္ခ ဒေါက်တာဇော်ဝေစိုးက ဂုဏ်ပြုမှတ်တမ်းလွှာ နှင့်လက်ဆောင်ပစ္စည်းများ ပေးအပ်ချီးမြှင့်ခဲ့ပါသည်။ ထို့နောက် အငြိမ်းစားအရာထမ်းများကိုယ်စား ညွှန်ကြားရေးမှူးချုပ် ဒေါက်တာကျော်ဇင်သန့်နှင့် အငြိမ်းစားအမှုထမ်းများကိုယ်စား ရှင်းလင်းရေးမှူး(ငြိမ်း) ဦးအောင်ထွန်းတို့က အမှတ်တရ ကျေးဇူးတင်စကားများ ပြန်လည်ပြောကြားကြပါသည်။ ထို့နောက် အငြိမ်းစား ယူသွားသော အရာထမ်း/အမှုထမ်းများနှင့် အမှတ်တရစုပေါင်း ဓာတ်ပုံရိုက်ကူးကြပါသည်။

ဆက်လက်၍ ဂုဏ်ထူးဆောင်ဆေးသုတေသီ ပါမောက္ခဒေါက်တာအောင်သန်းဘတူက အမှတ်တရစကား ပြောကြားပါသည်။ ထို့နောက် Myanmar Health Sciences Research Journal နှစ်(၃၀) ပြည့် အထိမ်းအမှတ် အမှတ်တရစာအုပ် ထုတ်ဝေနိုင်ခဲ့ခြင်းအတွက် ပံ့ပိုးကူညီပါဝင်ဆောင်ရွက်ခဲ့သူများအား အမှတ်တရ ဂုဏ်ပြုလက်မှတ်များနှင့် လက်ဆောင် ပစ္စည်းများကို ခေတ္တညွှန်ကြားရေးမှူးချုပ် ပါမောက္ခ ဒေါက်တာ ဇော်ဝေစိုး၊ ညွှန်ကြားရေးမှူးချုပ် ဒေါက်တာကျော်ဇင်သန့်နှင့် ဒုတိယညွှန်ကြားရေးမှူးချုပ်(ငြိမ်း) ဒေါက်တာ စိုးသိန်းတို့က ပေးအပ်ချီးမြှင့် ခဲ့ပါသည်။

ဆက်လက်၍ ၂၀၁၇ ခုနှစ်အတွင်း ပြည်တွင်းပြည်ပတွင်ကျင်းပခဲ့သော သုတေသနညီလာခံများတွင် ဆုရရှိခဲ့ကြသူများအား ညွှန်ကြားရေးမှူးချုပ် ဒေါက်တာကျော်ဇင်သန့်နှင့် ဒုတိယညွှန်ကြားရေးမှူးချုပ်(ငြိမ်း) ဒေါက်တာရဲထွဋ်တို့ကလည်းကောင်း၊ (၄၆) ကြိမ်မြောက် မြန်မာနိုင်ငံ ကျန်းမာရေးဆိုင်ရာသုတေသနညီလာခံတွင် ဆုရရှိကြသူများအား ခေတ္တ ညွှန်ကြားရေးမှူးချုပ် (ငြိမ်း) ဒေါက်တာ မျိုးခင်နှင့် ဒုတိယညွှန်ကြားရေးမှူးချုပ် (ငြိမ်း) ဒေါက်တာဝင်းအောင်တို့ကလည်းကောင်း၊ ၂၀၁၇ ခုနှစ်အတွက် ဆေးသုတေသနဦးစီးဌာန(ရုံးချုပ်)မှ ပြည်သူ့ဝန်ထမ်းကောင်းတံဆိပ်ရရှိကြသူများအား ခေတ္တညွှန်ကြားရေးမှူး ချုပ် ပါမောက္ခ ဒေါက်တာဇော်ဝေစိုးနှင့် ညွှန်ကြားရေးမှူး(ငြိမ်း) ဒေါက်တာအေးကျော်၊ ညွှန်ကြားရေးမှူး(ငြိမ်း) ဒေါက်တာနေဝင်းတို့က လည်းကောင်း၊ ပြည်သူ့ဝန်ထမ်းတံဆိပ်ရရှိကြသူများအား ညွှန်ကြားရေးမှူး (ငြိမ်း) ဒေါက်တာခင်မေဦး၊ ညွှန်ကြားရေးမှူး (ငြိမ်း/ကျွမ်းကျင်) ဒေါက်တာခင်သက်ဝေ တို့ကလည်းကောင်း၊ ငြိမ်ဝပ် ပိပြားရေးနှင့် တရားဥပဒေစိုးမိုးရေး တံဆိပ်ရရှိကြသူများအား ညွှန်ကြားရေးမှူး (ငြိမ်း) ဒေါက်တာမောင်မောင်တိုး၊ ဒုတိယညွှန်ကြားရေးမှူး(ငြိမ်း) ဒေါက်တာမာမာညိမ်၊ ဒုတိယညွှန်ကြားရေးမှူးချုပ် (သုတေသန)များဖြစ် ကြသော ဒေါက်တာလှိုင်မြတ်သူနှင့် ဒေါက်တာခင်စောအေးတို့ကလည်းကောင်း အသီးသီး ပေးအပ်ချီးမြှင့်ခဲ့ ပါသည်။ ဆက်လက်၍ ၂၀၁၇-၁၈ပညာသင်နှစ် တက္ကသိုလ်ဝင်တန်းစာမေးပွဲကို အောင်မြင်ခဲ့သော ဆေးသုတေသန ဦးစီးဌာန(ရုံးချုပ်)မှ ဝန်ထမ်းသားသမီးများအား ဒုတိယညွှန်ကြားရေးမှူးချုပ် (စီမံ/ဘဏ္ဍာ) ဒေါက်တာဇော်မြင့် က ဆုများပေးအပ်ချီးမြှင့်ခဲ့ပြီး၊ ၂၀၁၇-၂၀၁၈ပညာသင်နှစ်အတွက် ဆေးသုတေသနဦးစီးဌာန(ရုံးချုပ်)မှ ဝန်ထမ်း သား/သမီးများ၏ ပညာသင်စရိတ်ထောက်ပံ့ကြေးကို ညွှန်ကြားရေးမှူး(သုတေသန) ဒေါက်တာခင်ဖြူဖြူ နှင့် ညွှန်ကြားရေးမှူး(သုတေသန) ဒေါက်တာမို့မို့ထွန်းတို့က တက္ကသိုလ်အဆင့်၊ အခြေခံပညာအထက်တန်း၊ အခြေခံပညာအလယ်တန်း၊ အခြေခံပညာမူလတန်း၊ မူလတန်းကြိုများမှ ကျောင်းသားမိဘ ကိုယ်စားလှယ် များအား ပေးအပ်ချီးမြှင့်ခဲ့ပါသည်။ ထို့နောက် ညွှန်ကြားရေးမှူးချုပ် ဒေါက်တာကျော်ဇင်သန့်က ဆေးသုတေသန ဦးစီးဌာန (ပြင်ဦးလွင်ရုံးခွဲ)မှ ဝန်ထမ်းသားသမီးများ၏ ပညာသင်စရိတ် ထောက်ပံ့ကြေးကို ပေးအပ်ချီးမြှင့်ရာ ဒုတိယညွှန်ကြားရေးမှူးချုပ်(သုတေသန) ဒေါက်တာခင်စောအေးက လက်ခံရယူပါသည်။ အခမ်းအနားကို ညနေ ၃:၃၀ နာရီတွင်ရုပ်သိမ်းလိုက်ပါသည်။ အခမ်းအနားအပြီးတွင် တက်ရောက်လာသူများအား ကော်ဖီ၊ မုန့်များဖြင့် တည်ခင်းဧည့်ခံခဲ့ပါသည်။


ထိုင်းနိုင်ငံ Merck Millipore မှ Ms. Kittiwan နှင့်အဖွဲ့အားလက်ခံတွေ့ဆုံခြင်း

၂၀၁၈ ခုနှစ် ဇွန် ၂၀ ရက် မွန်းလွဲ ၁:၀၀ နာရီတွင် မြန်မာနိုင်ငံ Azule Global Co., Ltd. ၏မိတ်ဖက် ကုမ္ပဏီဖြစ်သော ဂျာမနီနိုင်ငံအခြေစိုက် Merck Millipore Ltd. ၏ Regional Head Office ဖြစ်သော Merck Millipore, Thailand မှ Ms. Kittiwan ဦးဆောင်သောအဖွဲ့သည် ဆေးသုတေသနဦးစီးဌာန ညွှန်ကြားရေးမှူးအဖွဲ့အား ဇီဝဆေးပညာသုတေသန အစည်းအဝေး ခန်းမ၌ လာရောက်တွေ့ဆုံပါသည်။ ထိုသို့တွေ့ဆုံရာတွင် Merck Millipore, Thailand မှ Ms. Kittiwan (Head of Applied Research Sales for LS, Research Solutions South East Asia)က မိတ်ဆက်အမှာစကားပြောကြားပြီး၊ Sales Rep များဖြစ်ကြ သော Ms. Khemrada နှင့် Ms. Mutita တို့က Merck Millipore Products များအကြောင်းကို ရှင်းလင်း တင်ပြခဲ့ကြပါသည်။ အဆိုပါတွေ့ဆုံပွဲသို့ ဆေးသုတေသနဦးစီးဌာနမှ ညွှန်ကြားရေးမှူးများနှင့် သက်ဆိုင်ရာ သုတေသီများ၊ Azule Global Co., Ltd. မှ ဒါရိုက်တာအေးချမ်းကိုနှင့် ဝန်ထမ်းများ၊ Merck Millipore, Thailand မှ Ms. Watjana(Head of Applied Solution, Thailand) နှင့် Ms. Nantana(Lab water Product Manager) တို့တက်ရောက်ခဲ့ကြပါသည်။


ဌာနတွင်းပညာရပ်ဆိုင်ရာဟောပြောပွဲ ကျင်းပပြုလုပ်ခြင်း

သုတေသနစွမ်းအားမြှင့်တင်ခြင်း(Research Capacity Strengthening) နှင့် ဗဟုသုတမျှဝေခြင်း အစီ အစဉ် (Knowledge Sharing Program) အရ ပညာရပ်ဆိုင်ရာဟောပြောပွဲ အခမ်းအနားကို ဆေးသုတေသန ဦးစီးဌာန(ပြင်ဦးလွင်ရုံးခွဲ) အစည်းအဝေးခန်းမ(၁) တွင် ၂၀၁၈ ခုနှစ် ဇွန် ၂၀ ရက် မွန်းလွဲ ၁:၀၀ နာရီ၌ ကျင်းပ ပြုလုပ်ခဲ့ပါသည်။ အထက်ပါအခမ်းအနားတွင် ဆေးဘက်ဆိုင်ရာစာရင်းအင်းသုတေသနဌာနခွဲမှ ဒုတိယ ညွှန်ကြားရေးမှူး/ဌာနခွဲမှူး ဒေါက်တာမဉ္ဇူတင်အောင်က သဘာပတိအဖြစ်လည်းကောင်း၊ ဇီဝဆေးပညာ စာကြည့်တိုက်ဌာနခွဲမှ စာကြည့်တိုက်လက်ထောက်(၂) ဒေါ်မြင့်မြင့်သန်းက အခမ်းအနားမှူးအဖြစ်လည်း ကောင်း အသီးသီးဆောင်ရွက်ခဲ့ကြပါသည်။

အဆိုပါဟောပြောပွဲတွင် ဆေးသုတေသနဦးစီးဌာန(ပြင်ဦးလွင်ရုံးခွဲ) ပစ္စည်းဝယ်ယူရေးနှင့် သိုလှောင်ဖြန့် ဖြူးရေးဌာနခွဲမှ ဒုတိယညွှန်ကြားရေးမှူး/ဌာနခွဲမှူး ဒေါ်ဌေးရီက “Some Interesting Facts about Earth” ခေါင်းစဉ်ဖြင့်လည်းကောင်း၊ ဆေးဝါးဗေဒသုတေသနဌာနခွဲမှ သုတေသနလက်ထောက်(၂)ဒေါ်အေးအေးထွန်းက “လေထုညစ်ညမ်းမှုနှင့်ကျန်းမာရေး (Air Pollution and Health)” ခေါင်းစဉ်ဖြင့်လည်းကောင်း တင်ပြခဲ့ရာ တက်ရောက်လာသူ ဝန်ထမ်းများက သိလိုသည်များကို စိတ်ဝင်စားစွာ မေးမြန်းခဲ့ကြပြီး ဖြည့်စွက် အကြံပြု ဆွေးနွေးခဲ့ကြပါသည်။ အထက်ပါဟောပြောပွဲသို့ ဒုတိယညွှန်ကြားရေးမှူးချုပ် (ငြိမ်း/ကျွမ်းကျင်) ဒေါက်တာ ခင်လင်းနှင့် ညွှန်ကြားရေးမှူးအဖွဲ့ဝင်များ အပါအဝင် ဝန်ထမ်း(၈၁) ဦး တက်ရောက်ခဲ့ကြပါသည်။


မြန်မာနိုင်ငံသူနာပြုနှင့် သားဖွားအသင်း(ဗဟို)မှ ကြီးမှူးကျင်းပသော Transforming Health Care through Nurse Leadership Seminar ကျင်းပခြင်း

၂၀၁၈ ခုနှစ် ဇွန် ၂၂ ရက် နံနက် ၉:၀၀ နာရီတွင် မြန်မာနိုင်ငံသူနာပြုနှင့် သားဖွားအသင်း(ဗဟို)မှ ကြီးမှူး၍ Hospitechno Co., Ltd. နှင့် ရွှေဇနကအများ ပိုင်ကုမ္ပဏီလီမီတက်တို့ပူးပေါင်းစီစဉ်ကျင်းပသော Transforming Health Care Through Nurse Leadership Seminar ဖွင့်ပွဲအခမ်းအနားကို ဆေးသုတေ သနဦးစီးဌာန အဆင့်မြင့်မော်လီကျူး သုတေသနဌာန အစည်းအဝေးခန်းမ(၂)၌ ကျင်းပပြုလုပ်ခဲ့ပါသည်။ ရှေးဦးစွာ ရွှေဇနကအများပိုင် ကုမ္ပဏီလီမီတက်မှ ဥက္ကဋ္ဌ ဒေါက်တာကျော်မြင့်နိုင်က အဖွင့်အမှာစကားပြော ကြားပြီး မြန်မာနိုင်ငံသူနာပြုနှင့်သားဖွားအသင်း(ဗဟို) ဥက္ကဋ္ဌ ပါမောက္ခဒေါ်ရင်မြက အမှာစကား ပြောကြား ပါသည်။ ထို့နောက် အခမ်းအနားတက်ရောက်သူများ စုပေါင်းအမှတ်တရ ဓာတ်ပုံရိုက်ကူးခဲ့ကြပါသည်။ အဆိုပါအခမ်းအနားသို့ မြန်မာနိုင်ငံသူနာပြုနှင့်သားဖွားအသင်း(ဗဟို) ဥက္ကဋ္ဌ ပါမောက္ခဒေါ်ရင်မြနှင့် အလုပ် အမှုဆောင်အဖွဲ့ဝင်များ၊ ကျန်းမာရေးနှင့် အားကစားဝန်ကြီးဌာန ကုသရေးဦးစီးဌာန ရန်ကုန်တိုင်းဒေသကြီးရှိ ဆေးရုံကြီးများမှ သူနာပြုအုပ်နှင့် သူနာပြုဆရာမများ၊ ပုဂ္ဂလိကဆေးရုံဆေးခန်းများမှ သူနာပြုအုပ်နှင့် သူနာပြု ဆရာမများ၊ သူနာပြုတက္ကသိုလ် (ရန်ကုန်)နှင့် ရန်ကုန်တိုင်းဒေသကြီး ပြည်သူ့ကျန်းမာရေးဦးစီးဌာနတို့မှ တာဝန်ရှိသူများ၊ Hospitechno Co., Ltd. မှ ဒေါ်သင်းနွယ်စိုးနှင့် ဝန်ထမ်းများ၊ ရွှေဇနကအများပိုင် ကုမ္ပဏီ လီမီတက်မှ ဥက္ကဋ္ဌ ဒေါက်တာကျော်မြင့်နိုင်နှင့် တာဝန်ရှိသူများ၊ စုစုပေါင်း (၁၄၀)ဦး ခန့်တက်ရောက်ခဲ့ကြ ပါသည်။

အခမ်းအနားကို ဆက်လက်ကျင်းပရာ ကျန်းမာရေးနှင့်အားကစားဝန်ကြီးဌာန ပြည်သူ့ကျန်းမာရေးဦးစီး ဌာနမှ ဒုတိယညွှန်ကြားရေးမှူးချုပ်(ငြိမ်း) ဒေါက်တာနီလာတင်က “Transforming Health Care through Nurse Leadership” ခေါင်းစဉ်ဖြင့် Leadership၊ Leadership Styles အကြောင်းများကို စိတ်ဝင်စားဖွယ် ဖြစ်အောင် ရှင်းလင်းတင်ပြပါသည်။ ထို့နောက် Hospitechno Co., Ltd. မှ ဒေါ်သင်းနွယ်စိုးက “How to be the effective nursing leaders who motivate, develop, retain employees and achieve outstanding performance in healthcare delivery” ခေါင်းစဉ်ဖြင့် ရှင်းလင်းတင်ပြပါသည်။ ဆက်လက်၍ HospiCare Co., Ltd. မှ Managing Director ဒေါက်တာမျိုးသော်တာဝင်းက ကုမ္ပဏီမှတင်သွင်းဖြန့်ချိသော ကျန်းမာရေး ဆိုင်ရာကုန်ပစ္စည်းများ အကြောင်း မိတ်ဆက် ရှင်းလင်းတင်ပြပါသည်။ ထို့နောက် "Growing Nurse Leaders: Their Perspectives on Nursing Leadership" ခေါင်းစဉ်ဖြင့် ဆွေးနွေးပွဲကိုကျင်းပရာ မြန်မာနိုင်ငံသူနာပြု နှင့် သားဖွားအသင်း(ဗဟို) ဥက္ကဋ္ဌ ပါမောက္ခဒေါ်ရင်မြ၊ ပြည်သူ့ကျန်းမာရေးဦးစီးဌာနမှ ဒုတိယညွှန်ကြားရေးမှူး ချုပ်(ငြိမ်း) ဒေါက်တာနီလာတင်၊ Hospitechno Co., Ltd. မှ ဒေါ်သင်းနွယ်စိုးတို့က တက်ရောက်လာ သူများနှင့်အတူ ဝိုင်းဝန်းဆွေးနွေးအကြံပြုခဲ့ကြပါသည်။ ဆက်လက်၍ ဆွေးနွေးပွဲ တက်ရောက်လာသူများအား မြန်မာနိုင်ငံသူနာပြုနှင့် သားဖွားအသင်း(ဗဟို)မှ ဥက္ကဋ္ဌ ပါမောက္ခ ဒေါ်ရင်မြနှင့် အလုပ်အမှုဆောင်အဖွဲ့က ဂုဏ်ပြု လက်မှတ်များ အသီးသီးချီးမြှင့်ပြီး ဆွေးနွေးပွဲကို မွန်းလွဲ ၂:၀၀ နာရီတွင် ရုပ်သိမ်းလိုက်ပါသည်။

ထို့နောက် ဆွေးနွေးပွဲတက်ရောက်လာသူများထဲမှ (၂၀) ဦးအားရွေးချယ်၍ Performance Manage-ment Workshop (Conducting Effective Performance Appraisal) ကို စုပေါင်းဝိုင်းဖွဲ့ကာ ဆက်လက် ကျင်းပပြုလုပ်ခဲ့ပါသည်။


Training Workshop on Introducing of Misoprostol in Incomplete Abortion ဖွင့်ပွဲကျင်းပခြင်း

၂၀၁၈ ခုနှစ် ဇွန် ၂၆ ရက် နံနက် ၉:၀၀ နာရီတွင် ကျန်းမာရေးနှင့်အားကစားဝန်ကြီးဌာန၊ ဆေးသုတေသနဦးစီးဌာနနှင့် အမေရိကန်ပြည်ထောင်စု၊ နယူးယောက်မြို့အခြေစိုက် Gynuity Health Project တို့ ပူးပေါင်းစီစဉ်သော Training Workshop on Introducing of Misoprostol in Incomplete Abortion အလုပ်ရုံဆွေးနွေးပွဲ ဖွင့်ပွဲအခမ်းအနားကို ဆေးသုတေသနဦးစီးဌာန၊ ဗဟိုဇီဝဆေးပညာစာကြည့်တိုက် အစည်း အဝေးခန်းမ(၁)၌ ကျင်းပရာ ဆေးသုတေသနဦးစီးဌာန ဒုတိယညွှန်ကြားရေးမှူးချုပ်(သုတေသန) ဒေါက်တာ လှိုင်မြတ်သူ တက်ရောက်၍ အဖွင့်အမှာစကား ပြောကြားပါသည်။ အဆိုပါဖွင့်ပွဲအခမ်းအနားသို့ ဆေးသုတေသန ဦးစီးဌာနမှ ဒုတိယညွှန်ကြားရေးမှူးချုပ်(သုတေသန) ဒေါက်တာလှိုင်မြတ်သူ၊ ဒုတိယညွှန်ကြားရေးမှူးချုပ် (စီမံ/ဘဏ္ဍာ) ဒေါက်တာဇော်မြင့်နှင့် ညွှန်ကြားရေးမှူးများ၊ ကျန်းမာရေးနှင့်အားကစားဝန်ကြီးဌာန၊ ပြည်သူ့ ကျန်းမာရေးဦးစီးဌာန၊ မိခင်နှင့်မျိုးဆက်ပွားကျန်းမာရေးဌာနခွဲ(နေပြည်တော်)မှ ဒုတိယညွှန်ကြားရေးမှူး ဒေါက်တာခိုင်နွယ်တင်နှင့် တာဝန်ရှိသူများ၊ ရန်ကုန်တိုင်းဒေသကြီး မှော်ဘီ၊ တိုက်ကြီး၊ ဖူးကြီးမြို့နယ်ဆေးရုံ၊ တိုက်နယ်ဆေးရုံတို့မှ သူနာပြုအုပ်ကြီးများ၊ သားဖွားဆရာမကြီးများ၊ Gynuity Health Project မှ တာဝန်ရှိသူ များ၊ ဖိတ်ကြားထားသူများ စုစုပေါင်း(၆၀)ဦး တက်ရောက်ခဲ့ကြပါသည်။ ဖွင့်ပွဲအခမ်းအနားအပြီးတွင် ဒုတိယ ညွှန်ကြားရေးမှူးချုပ် (သုတေသန) ဒေါက်တာလှိုင်မြတ်သူသည် တက်ရောက်လာသူများနှင့် စုပေါင်း၍ အမှတ်တရ ဓာတ်ပုံရိုက်ကူးခဲ့ပါသည်။

ထိုနောက် နံနက် ၁၀:၀၀ နာရီတွင် အလုပ်ရုံဆွေးနွေးပွဲကိုစတင်ရာ ကျန်းမာရေးနှင့်အားကစားဝန်ကြီး ဌာန၊ မိခင်နှင့်မျိုးဆက်ပွားကျန်းမာရေးဌာနခွဲ(နေပြည်တော်)မှ ဒုတိယညွှန်ကြားရေးမှူး ဒေါက်တာခိုင်နွယ်တင် က အလုပ်ရုံဆွေးနွေးပွဲ ပြုလုပ်ရခြင်းအကြောင်းကို ရှင်းလင်းတင်ပြပါသည်။ ဆက်လက်၍ Gynuity Health Projects မှ Regional Research Coordinator, Ms. Meighan Tarnagada က Background on Misoprostol for treating Incomplete Abortion အကြောင်းကိုလည်းကောင်း၊ Dr. Monica V. Dragoman, Consulting Medical Associate, Gynuity Health Projects နှင့် ဒေါက်တာကျော်ဇင်ထွဋ် အဖွဲ့ခေါင်းဆောင်၊ မိခင်နှင့်မျိုးဆက်ပွားကျန်းမာရေးဌာနခွဲ(နေပြည်တော်)တို့ကMisoprostol for Incomplete Abortion: Clinical Procedures အကြောင်းကိုလည်းကောင်း ရှင်းလင်းတင်ပြခဲ့ကြပါသည်။ ထိုနောက် ဆေးသုတေသနဦးစီးဌာနမှ သုတေသနမှူး ဒေါက်တာသဲမောင်မောင်နှင့် Ms. Meighan Tarnagada တို့က Detailed Study Procedures များကိုရှင်းလင်းတင်ပြကြပါသည်။ အဆိုပါအလုပ်ရုံဆွေးနွေးပွဲကို ဇွန် (၂၆) ရက်မှ (၂၇) ရက်နေ့ထိ ၂ရက်တိုင် ကျင်းပပြုလုပ်ခဲ့ပါသည်။


တရုတ်ပြည်သူ့သမ္မတနိုင်ငံ Guizhou University, ASEAN Research Institute မှ Professor Ren Gangjian နှင့်အဖွဲ့အားလက်ခံတွေ့ဆုံခြင်း

၂၀၁၈ ခုနှစ် ဇွန် ၂၆ ရက် မွန်းလွဲ ၂:၄၅ နာရီတွင် ကျန်းမာရေးနှင့်အားကစားဝန်ကြီးဌာန၊ (Innovative and Creativity Committee) ဆန်းသစ်တီထွင်တွေးခေါ်ရေးနှင့် အကြံဉာဏ်များစဉ်းစားဖော်ထုတ်ရေးအဖွဲ့ ဥက္ကဋ္ဌ ဆေးသုတေသနဦးစီးဌာန ခေတ္တ ညွှန်ကြားရေးမှူးချုပ် (ငြိမ်း) ဒေါက်တာမျိုးခင်သည် တရုတ်ပြည်သူ့ သမ္မတနိုင်ငံ Guizhou University, ASEAN Research Institute မှ Professor REN Gangjian နှင့် အဖွဲအား ဗဟိုဇီဝဆေးပညာစာကြည့်တိုက် အထူးအစည်းအဝေးခန်းမ၌ လက်ခံတွေ့ဆုံခဲ့ပါသည်။ ထိုသို့တွေ့ ဆုံရာတွင် Professor REN Gangjian, Dean of ASEAN Research Institute, Guizhou University နှင့်အတူ Dr. WANG Yong, Researcher of ASEAN Research Institute, Guizhou University နှင့် Ms. WU Xia, PA to Dean of ASEAN Research Institute, Guizhou University တို့လည်း တက်ရောက်ကြ၍ ဆေးသုတေသနဦးစီးဌာနမှ ဆောင်ရွက်နေသော သုတေသနလုပ်ငန်းများအကြောင်းနှင့် သုတေသနအတွေ့အကြုံများကို မေးမြန်းဆွေးနွေးမျှဝေ ခံယူခဲ့ကြပါသည်။


ဂျပန်နိုင်ငံ ARKRAY Inc. မှ Chief Self-care Business Officer Mr. Tetsuya Sakata နှင့် အဖွဲ့လာရောက်တွေ့ဆုံဆွေးနွေးခြင်း

၂၀၁၈ ခုနှစ် ဇွန် ၂၇ ရက် မွန်းလွဲ ၁:၀၀ နာရီတွင်မြန်မာနိုင်ငံ Shwe Chan Thar Engineering & Construction Co., Ltd. နှင့် မိတ်ဖက်ကုမ္ပဏီဖြစ်သော ဂျပန်နိုင်ငံ ARKRAY Inc. မှ Chief Self-care Business Officer, Mr. Tetsuya Sakata နှင့်အဖွဲ့သည် ARKRAY's Product များကိုမိတ်ဆက်ရန်အတွက် ဆေးသုတေသနဦးစီးဌာန ညွှန်ကြားရေးမှူးအဖွဲ့အား ဇီဝဆေးပညာသုတေသနအစည်းအဝေးခန်းမ၌ လာရောက် တွေ့ဆုံခဲ့ပါသည်။ ထိုသို့တွေ့ဆုံရာတွင် Ms. Joanna Zhou Yifan, Senior Manager, Singapore က ARKRAY Inc. ကုမ္ပဏီ၏နောက်ခံသမိုင်းကြောင်း၊ နည်းပညာပစ္စည်းများ ဖက်စပ်ဖြန့်ဖြူး တင်သွင်းလုပ်ကိုင် နေမှုနှင့်ARKRAY's Product များအကြောင်းတို့ကို စိတ်ဝင်စားဖွယ်ဖြစ်အောင်ရှင်းလင်းတင်ပြရာ ညွှန်ကြား ရေးမှူးအဖွဲ့က သိလိုသည်များကိုမေးမြန်းဆွေးနွေးခဲ့ကြပါသည်။


Dissemination Workshop of Research Finding on FOC Services at Public Hospitals in Myanmar အခမ်းအနားကျင်းပခြင်း

၂၀၁၈ ခုနှစ် ဇွန် ၂၈ ရက် မွန်းလွဲ ၁:၀၀ နာရီတွင် ဆေးသုတေသနဦးစီးဌာနနှင့် မြန်မာနိုင်ငံဆရာဝန် အသင်း၊ ဆေးရုံအုပ်ချုပ်မှုပညာအဖွဲ့တို့ ပူးပေါင်းစီစဉ်သော Dissemination Workshop of Research Finding on FOC Services at Public Hospitals in Myanmar အခမ်းအနားကို ဆေးသုတေသနဦးစီးဌာန ဗဟိုဇီဝဆေးပညာစာကြည့်တိုက် အစည်းအဝေးခန်းမ (၁)၌ ကျင်းပပြုလုပ်ခဲ့ရာ ကျန်းမာရေးနှင့်အားကစား ဝန်ကြီးဌာန ပြည်ထောင်စုဝန်ကြီး(ငြိမ်း)၊ ဆေးသုတေသနဦးစီးဌာန လူပုဂ္ဂိုလ်များအပေါ်သုတေသနစမ်းသပ်မှု ဆိုင်ရာကျင့်ဝတ်ကော်မတီ (ERC) ဥက္ကဋ္ဌ ပါမောက္ခဒေါက်တာဖေသက်ခင် တက်ရောက်၍ သဘာပတိအဖြစ် ဆောင်ရွက်ပြီး၊ ဆေးသုတေသနဦးစီးဌာန ခေတ္တညွှန်ကြားရေးမှူးချုပ် ပါမောက္ခဒေါက်တာဇော်ဝေစိုးက အဖွင့်အမှာစကား ပြောကြားပါသည်။ အဆိုပါအလုပ်ရုံဆွေးနွေးပွဲသို့ ဆေးသုတေသနဦးစီးဌာနမှ ခေတ္တ ညွှန်ကြားရေးမှူးချုပ် ပါမောက္ခဒေါက်တာဇော်ဝေစိုးနှင့် ဒုတိယညွှန်ကြားရေးမှူးချုပ်များ၊ ညွှန်ကြားရေးမှူး (အထွေထွေစီမံခန့်ခွဲရေး)နှင့် သုတေသနတွင်ပါဝင်ခဲ့ကြသော သက်ဆိုင်ရာသုတေသီများ၊ ဆေးသုတေသန ဦးစီးဌာန လူပုဂ္ဂိုလ်များအပေါ် သုတေသန စမ်းသပ်မှုဆိုင်ရာ ကျင့်ဝတ်ကော်မတီ(ERC) ဥက္ကဋ္ဌ ပါမောက္ခဒေါက်တာဖေသက်ခင်နှင့် အဖွဲ့ဝင်များ၊ မြန်မာနိုင်ငံဆရာဝန်အသင်း၊ ဆေးရုံအုပ်ချုပ်မှုပညာအဖွဲ့ ဥက္ကဋ္ဌ ဒေါက်တာကျော်ဝင်းနှင့် အလုပ်အမှုဆောင်အဖွဲ့ဝင်များ၊ တိုင်းဒေသကြီးနှင့်ပြည်နယ်အသီးသီးမှ ဆေးရုံ အုပ်ကြီးများ၊ အထူးဖိတ်ကြားထားသူများ တက်ရောက်ခဲ့ကြပါသည်။

ရှေးဦးစွာ ဆေးသုတေသနဦးစီးဌာန ခေတ္တညွှန်ကြားရေးမှူးချုပ် ပါမောက္ခ ဒေါက်တာဇော်ဝေစိုးက အဖွင့် အမှာစကား ပြောကြားရာတွင် ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး၏လမ်းညွှန်ချက် နှင့်အညီ တစ်နိုင်ငံလုံးရှိဆေးရုံများ၌ အခမဲ့ကျန်းမာရေး စောင့်ရှောက်မှု (FOC) ပေးနေမှု အခြေအနေကွာဟချက် များကို အလုံးစုံလွှမ်းခြုံသုံးသပ်နိုင်ရန် ရည်ရွယ်ချက်ဖြင့် ပူးပေါင်းဆောင်ရွက်ခဲ့သော သုတေသနတွေ့ရှိချက်များကို တင်ပြကြမည် ဖြစ်သည့်အတွက် ကျေးဇူးတင်ဂုဏ်ယူ ဝမ်းမြောက်မိပါကြောင်းနှင့် ယခုတက်ရောက်လာသူ အားလုံး ဝိုင်းဝန်းအကြံပြုဆွေးနွေးပေးကြပါရန် ပြောကြားပြီး တက်ရောက်လာသူများ စုပေါင်း၍ အမှတ်တရ ဓာတ်ပုံရိုက်ကူးခဲ့ပါသည်။ ထို့နောက် ဆေးရုံအုပ်ချုပ်မှုပညာအဖွဲ့ဥက္ကဋ္ဌ ဒေါက်တာကျော်ဝင်းက သုတေသန စတင်ပြုလုပ်ရန် အကြောင်းဖန်လာပုံနှင့် သုတေသနအကြောင်း မိတ်ဆက်ပြောကြားခဲ့ပါသည်။ ဆက်လက်၍ ဆေးရုံအုပ်ချုပ်မှုပညာအဖွဲ့ အတွင်းရေးမှူး ဒေါက်တာတင်ညိုညိုလတ်က သုတေသနတွင်လုပ်ဆောင်ခဲ့သည့် သုတေသနနည်းလမ်းများ၊ အချက်အလက်ကောက်ယူသည့် နည်းလမ်းများအကြောင်းကိုတင်ပြခဲ့ပြီး၊ အတိုင် ပင်ခံပညာရှင် ဒေါက်တာဆွေဝင်းက သုတေသနတွေ့ရှိချက်များနှင့် ဆွေးနွေးအကြံပြုချက်များကို အပိုင်းနှစ်ပိုင်းခွဲ လျက် တင်ပြခဲ့ပါသည်။ ထို့နောက် ပါမောက္ခဒေါက်တာဖေသက်ခင်က သုတေသနအဖွဲ့အနေဖြင့် သုတေသန တွေ့ရှိချက်များကို ထပ်မံဆန်းစစ်ဆွေးနွေးသုံးသပ်ကြရန် အကြံပြုပြောကြားခဲ့ပြီး တက်ရောက်လာကြသူများက ဝိုင်းဝန်းဆွေးနွေးခဲ့ကြကာ အခမ်းအနားကို ညနေ ၄:၃၀ နာရီတွင်အောင်မြင်စွာရုပ်သိမ်းခဲ့ပါသည်။


ဗြိတိန်နိုင်ငံ Public Health England မှ Dr. Tina Endericks နှင့်အဖွဲ့အားလက်ခံတွေ့ဆုံခြင်း

၂၀၁၈ ခုနှစ် ဇွန် ၂၉ ရက် မွန်းလွဲ ၂:၀၀ နာရီတွင် ဆေးသုတေသနဦးစီးဌာန ဒုတိယညွှန်ကြားရေးမှူးချုပ် (သုတေသန) ဒေါက်တာလှိုင်မြတ်သူသည် ဗြိတိန်နိုင်ငံ Public Health England မှ Dr. Tina Endericks, Head of Global Health Security နှင့် အဖွဲ့အား ဇီဝဆေးပညာသုတေသနအစည်းအဝေးခန်းမ၌ လက်ခံတွေ့ ဆုံခဲ့ပါသည်။ ထိုသို့တွေ့ဆုံရာတွင် ဆေးသုတေသနဦးစီးဌာန အမျိုးသားအဆိပ်ထိန်းချုပ်ရေးဌာနရှိ သက်ဆိုင်ရာ ဒုတိယ ညွှန်ကြားရေးမှူး/ ဌာနခွဲမှူးများ၊ သုတေသီပညာရှင်များလည်း တက်ရောက်ကြ၍ Chemical Poison၊ Drug Poison များနှင့်ပတ်သက်ပြီး သုတေသနဆောင်ရွက်နေမှုများကို ဆွေးနွေး ခဲ့ကြပါသည်။


အမေရိကန်ပြည်ထောင်စု Duke Global Health Institute မှ Medical Instructor ဒေါက်တာမြိုင်မြိုင်ညွန့်အားလက်ခံတွေ့ဆုံခြင်း

၂၀၁၈ ခုနှစ် ဇွန် ၂၉ ရက် ညနေ ၅:၃၀ နာရီတွင် ဆေးသုတေသနဦးစီးဌာန ခေတ္တညွှန်ကြားရေးမှူးချုပ် ပါမောက္ခဒေါက်တာဇော်ဝေစိုးသည် အမေရိကန်ပြည်ထောင်စု Duke Global Health Institute မှ Medical Instructor ဒေါက်တာမြိုင်မြိုင်ညွန့်အား ဇီဝဆေးပညာ သုတေသနအစည်းအဝေးခန်းမ၌ လက်ခံတွေ့ဆုံခဲ့ပါသည်။ ထိုသို့တွေ့ဆုံရာတွင် ဆေးသုတေသနဦးစီးဌာနမှ ဒုတိယညွှန်ကြားရေးမှူးချုပ်(သုတေသန) များဖြစ်ကြ သော ဒေါက်တာလှိုင်မြတ်သူနှင့် ဒေါက်တာခင်စောအေး၊ ဒုတိယညွှန်ကြားရေးမှူးချုပ်(စီမံ/ဘဏ္ဍာ) ဒေါက်တာ ဇော်မြင့်၊ ညွှန်ကြားရေးမှူး(ငြိမ်း/ကျွမ်းကျင်) ဒေါက်တာခင်သက်ဝေ၊ ညွှန်ကြားရေးမှူး(အထွေထွေစီမံခန့်ခွဲရေး) ဒေါက်တာတင်ဦး၊ ကပ်ပါးပိုးဗေဒသုတေသနဌာနခွဲမှ ဒုတိယညွှန်ကြားရေးမှူး/ဌာနခွဲမှူး ဒေါက်တာကေသွယ် ဟန်နှင့် Duke Global Health Institute မှ ဒေါက်တာပြည့်ဖြိုးထွဋ်(Study Liaison Officer) တို့လည်း တက်ရောက်ကြ၍ အမေရိကန်အစိုးရ၏ National Institute of Health (NIH)၏ D43 International Research Training Grant ကို ၂၀၁၈ ခုနှစ် ဇူလိုင်လအတွင်း လျှောက်ထားနိုင်ရန် ကြိုတင်အသိပေးညှိနှိုင်း ဆွေးနွေးကြပါသည်။